"Реал" етакчиси Ла Лиганинг кейинги турида жамоасига ёрдам бера олмайди

"Реал" ҳужумчиси Килиан Мбаппе Ла Лиганинг 20-туридан ўрин олган "Леванте"га қарши учрашувда жамоасига ёрдам бера олмайди. Бу ҳақда "L’Equipe" нашри хабар бермоқда.

Манбада берилган маълумотга кўра, декабрь ойи охирида франциялик форвард тизза пайлари чўзилиб кетганлиги маълум бўлди. Шундан сўнг футболчи фақат Испания Суперкубоги доирасидаги "Барселона"га қарши финал учрашувида захирадан майдонга тушган эди. 

Маълумот учун, Мадридликлар Ла Лиганинг 20-турида ўз уйида "Леванте" қабул қилади. Бу жамоалар ўртасидаги учрашув 17 январь куни Тошкент вақти соат 18:00да старт олади.