"Реал" Францияда тўп тепаётган футболчини кузатмоқда

"Реал" ўз таркибини янада кучайтириш бўйича режалар тузмоқда. Таниқли журналист Санти Аунанинг Madrid Хтра нашрига маълум қилишича, Мадрид суперклубига "Ренн" ҳимоячиси Жереми Жаке ёқади. "Қаймоқранглилар" 20 ёшли футболчини кузатиб бормоқда.

Манба ҳеч қандай тафсилотларни ошкор қилмаган. Тахмин қилиш мумкинки, "Реал" келажакда Жакени ўз сафига қўшиб олмоқчи.

Нуфузли Transfermarkt портали мутахассислари Жереми Жакени 10 миллион еврога баҳоламоқда. Ҳимоячининг "Ренн" билан амалдаги шартномаси 2029 йилнинг ярмигача мўлжалланган.

"Ренн"нинг асосий жамоасида Жаке 14 та ўйинда майдонга тушди ва шеригига битта голли узатмани амалга оширди.