"Реал" футболчилари Анчелоттининг жаҳлини чиқарган

Мадриднинг “Реал” клуби бош мураббийи Карло Анчелотти Қатарда бўлиб ўтган жаҳон чемпионати бошланиши олдидан шогирдларининг кайфиятини бузиб қўйган.

Relevo нашри хабарига кўра, жамоа футболчилари муддатидан олдин бор эътиборини жаҳон чемпионатига қаратишган.

Манбага кўра, “Райо Вальекано”дан учралган мағлубиятдан сўнг Анчелотти футболчиларга овозини баланд кўтарган, шундан сўнг у ярим ҳимоячи Лука Модричдан жавоб олган.

Эслатиб ўтамиз, очко йўқотиш натижасида «қаймоқранглилар» Ла Лигада пешқадамликни каталониялик «Барселона»га бой берганди.

"Реал Мадрид" Испания чемпионатидаги навбатдаги ўйинини сафарда "Вальядолид"га қарши ўтказади. Ушбу учрашув 30 декабрь куни бўлиб ўтади.