"Реал" футболчиларнинг маошини камайтириш эвазига қанча маблағ тежаб қолади?

"Реал" Мадрид клуби коронавирус пандемияси туфайли юзага келган зарарнинг бир қисмини қоплаш мақсадида футболчи ва мураббийлар маошларини камайтиришга қарор қилган эди.

AS нашри тарқатган хабарга кўра, “қироллик клуби” бу орқали 28 миллиондан 56 миллион еврогача бўлган маблағни тежаб қолиши мумкин. Айтиш керакки, “Реал” бир йилда маошларга 283 млн евро сарфлайди.

Агар, ҳомийлар шартнома шартларининг бажарилмаган қисми учун ўз пулларини қайтарилишини талаб қилишса, у ҳолда “Реал”нинг жами кўрган зарари 150 млн еврога етади.