"Real" futbolchisi A Seriya klubiga o‘tishga rozilik bildirdi

"Fiorentina" klubi rahbariyati "Real" himoyachisi Alvaro Odriosolaning transfer hquqini sotib olmoqchi, deb yozmoqda jurnalist Nikolo Skira o‘zining Twitter sahifasida.

Manbaning xabariga ko‘ra, 26 yoshli ispaniyalik futbolchi A Seriya klubida qolishga allaqachon rozilik bildirgan. Klublar o‘rtasidagi muzokaralar esa shu yilning may oyi oxirida bo‘lib o‘tishi kutilmoqda.

Alvaro Odriosola joriy mavsum "Fiorentina"da ijarada o‘ynamoqda. U klub safida 21 ta o‘yinda maydonga tushib, 1 ta gol va bitta golli uzatmani amalga oshirgan. Uning "Real" bilan shartnomasi 2024 yilning yoziga qadar mo‘ljallangan.