"Реал" футболчиси "Арсенал"да қолмоқчи эмас

Мавсумни "Арсенал" сафида ижарада ўтказаётган “Реал” ярим ҳимоячиси Дани Себальос Лондонда қолмоқчи эмас.

Estadio Deportivo нашри тарқатган хабарга қараганда, 23 ёшли испаниялик футболчи мавсум якунлангач ,ватанига қайтмоқчи. Унга “Бетис”дан қизиқишлар бўлмоқда. Бироқ, бу борадаги сўнгги сўзни унинг трансферига эгалик қилувчи “қироллик клуби” айтади.

Қайд этиш лозимки, Себальос учун “Бетис” бегона эмас. У шу жамоа тарбияланувчиси ҳисобланади ва “Реал”га 2017 йил айнан шу ердан кўчиб ўтган.