"Real" futbolchisi EChL tarixiga kirdi

Chempionlar Ligasi so‘nggi turida "Real" o‘z uyida "Borussiya" Myunxengladbax jamoasini qabul qildi. "Alfredo di Stefano" stadionida kechgan bahsda madridliklar hujumchisi Karim Benzema dubl qayd etib, jamoasining g‘alabasini ta’minladi.

"Footy Accumulators" ma’lumotlariga ko‘ra, ikki golga mualliflik qilgan frantsiyalik hujumchi guruh bosqichidagi o‘zining 50 golini kiritdi. Bu ko‘rsatkich bo‘yicha u Ronaldu, Messi va Raul Gonsales ko‘rsatgan natijaga etib oldi.

Shuningdek, 32 yoshli forvard Chempionlar Ligasidagi o‘zining 69-golini urdi. Shulardan 57 tasi "qaymoqranglilar" safida kiritilgan.