“Реал” футболчиси “Ливерпуль” таклифини рад этди. У “Милан”га ўтмоқчи

Мадриднинг “Реал” клуби ярим ҳимоячиси Марко Асенсио ёзда “қаймоқранглилар” сафини тарк этиши мумкин. “Sport.es” нашри хабарига кўра, у А серия клубига ўтишга яқин турибди.

26 ёшли футболчига "Ливерпуль" ҳам жиддий қизиқиш билдирмоқда. “Қизиллар” бош мураббийи Юрген Клоппга испаниялик вингернинг ўйинлари маъқул келган. Аммо, Марко АПЛдан кўра "Милан"га ўтишни афзал кўрмоқда. Сабаби, унинг “россонерилар” асосий таркибдан жой олиш эҳтимоли юқори. Италия клуби ҳам уни ўз сафига қўшиб олишдан манфаатдор.

“Реал” Асенсиони 2015 йилнинг июль ойида ўз сафига қўшиб олганди. 2021/22-йилги мавсумда футболчи “қироллик клуби” билан 42 та ўйинда майдонга тушиб, ўз ҳисобига 12 гол ва 2 ассистни ёздириб қўйган.

Ярим ҳимоячининг мадридликлар билан шартномаси 2023 йилнинг ёзига қадар амал қилади.