"Реал" футболчиси Олимпиададан сўнг бошқа жамоага кетади

Мадриднинг "Реал" клуби ва Япония терма жамоаси ярим ҳимоячиси Такефуса Кубо катта эҳтимол билан янги мавсумни ҳам ижарада ўтказади.

20 ёшли футболчини "Реал Сосьедад" ижарага олмоқчи. Marca нашри тарқатган хабарга қараганда, сан-себастьянликлар Кубо учун қолган даъвогарлар орасида фаворит экани айтилмоқда.

Маълумот учун, Кубо айни дамда Япония олимпия терма жамоаси сафида Токио-2020 ўйинларида иштирок этмоқда.

Кубо ўтган мавсумларни "Вильярреал" ва "Хетафе" клубларида ижарада ўтказган.