“Реал” футболчисига жиддий харидор чиқди

ПСЖ бош мураббийи Маурисио Почеттино яна бир ҳужумкор футболчига жой топишига тўғри келади.

Париж клуби “Реал” вакили Марко Асенсиога харидор бўлмоқда. Французлар бу ўйинчи учун 40 миллион евро тўлашга тайёрлиги хабар қилинди.

Аслида “Мальорка” клуби тарбияланувчиси ҳисобланган Марко Асенсио 2015 йилдан бери “Қироллик клуби” сафида ўйнамоқда. Унинг амалдаги шартномаси 2023 йилнинг ярмигача давом этади.

Асенсио жорий мавсумда барча турнирларда 23 та учрашув ўтказиб, рақиблар дарвозасини етти маротаба ишғол қилди.