“Реал” ҳеч ким эришмаган рекордни янгилайди

Испаниянинг амалдаги чемпиони “Реал”  чемпионатининг навбатдаги турида тарихий рекорд ўрнатиши кутилмоқда.

Marca нашрининг маълум қилишича, Карло Анчелотти шогирдлари навбатдаги турда ижобий натижа қайд этса, Испания чемпионатида 5000 очко жамғарган биринчи ва ягона жамоага айланади.

Ҳозир “Қироллик клуби” ҳисобида 4999 очко бор ва беш минглик чўққини забт этиши учун кейинги ўйинда дуранг натижа ҳам кифоя қилади.

Испания чемпионатида очко жамғариш бўйича кейинги ўринда бораётган “Барселона” ҳисобида жами 4887 балл бор. Кучли учликдан ўрин олган “Атлетико” ўз тарихида Ла Лигажа жами 4018 очко тўплаган.

“Реал” рекорд ўрнатилиши кутилаётган кейин беллашувни 3 январь куни “Валенсия” майдонида ўтказади.  Бу баҳс 12-турнинг кечиктирилган ўйини ҳисобланади.