"Реал" ҳимоячиси учун мавсум якунланди

Мадриднинг "Реал" клуби ҳимоячиси Серхио Регилон жароҳат олиб сафдан чиқди. Бу ҳақда Marca нашри хабар тарқатмоқда.

Юқоридаги манбаага кўра 22 ёшли футболчи оёқ бармоқларини шикастлаб олган. Шу сабаб у жарроҳлик амалиётини бошдан кечирган. Шифокорларнинг сўзларига кўра у энди бу мавсум бошқа майдонга туша олмайди.

Маълумот учун, Регилон жорий мавсум “Реал” сафида 22та ўйинда майдонга тушди ва 3та голга ассистентлик қилишга эришди.

Эслатиб ўтамиз, бундан аввалроқ Серхио Регилон ёзда “қироллик клуби”дан кетиши мумкинлиги ҳақида хабарлар тарқалган эди.