"Real" himoyachisining taqdiri ma’lum

"Real" himoyachisi Xesus Valexoning kelajagi ma’lum bo‘ldi. U klubda qolishga qaror qilgan, deya xabar bermoqda Ispaniya nashrlari.

26 yoshli himoyachining Italiyaga yo‘l olishi haqda mish-mishlar bor edi. Unga bir nechta klublardan qiziqishlar bo‘ldi, lekin ularning barchasi rad qilindi. 

Eslatib o‘tamiz, Valexo mazkur mavsumda 4 ta o‘yinda maydonga tushgan holos. U 2015 yili "Real Saragoza"dan sotib olingandi. Ispaniyalik futbolchi o‘shandan beri "Vulerxempton", "Ayntraxt" va "Granada" kabi jamoalarda ijarada o‘ynadi.