"Реал" ҳужумчиси "Арсенал"га ўтишга яқин

Мадриднинг “Реал” клуби форварди Мариано Диас катта эҳтимол билан фаолиятини Англия премьер-лигасида давом эттиради.

Mirror нашри тарқатган хабарга кўра 25 ёшли футболчининг янги манзили Лондоннинг “Арсенал” клуби бўлади. Айтиш керакки, жамоалар вакиллари ушбу трансфер масаласида ўзаро гаплашишган ва келишувга эришишган. Унга кўра “канонирлар” Диаснинг трансфери учун мадридликларга 20 млн евро тўлашади.

Маълумот учун, “Реал” Мариано Диасни ўтган ёз “Лион”дан сотиб олган эди. У якунланган мавсум жами 19та ўйинда иштирок этди ва 4та гол уришга эришди.