Мадриднинг "Реал" клуби "Вальядолид"га ижарага берган дарвозабони Андрей Лунинни яна қайтариб олиши мумкин. Бу ҳақда AS нашри хабар тарқатмоқда.

Юқоридаги манбаага кўра “қироллик клуби” украиналик посбон учун доимий ўйин амалиёти берадиган янги жамоа топмоқчи.

Маълумот учун, 20 ёшли Лунин бу мавсум “Вальядолид” сафида бирорта ҳам ўйинда майдонга тушгани йўқ. Унинг “Реал” билан амалдаги шартномаси 2024 йилга қадар имзоланган.