“Реал” жамоани инқироздан қутқарадиган футболчи топди

Мадриднинг “Реал” клуби «Ювентус» ярим ҳимоячиси Кенан Йилдизни кузатишда давом этмоқда ва келажакда футболчи учун курашда устунликка эга бўлишни режалаштирмоқда.

Бу ҳақда Tuttosport хабар берди.

Манба маълумотига кўра, мадридликлар туркиялик футболчининг трансфери билан боғлиқ музокараларни анча вақтдан бери олиб бормоқда. Шу билан бирга, яқин ёзда трансфер амалга ошиши эҳтимоли паст баҳоланмоқда, чунки Йилдиз яқинда туринликлар билан шартномасини узайтирган.

Шунга қарамай, “Реал” футболчи кейинроқ клубни тарк этишга қарор қилса, уни сотиб олишда устувор ҳуқуқ бўйича келишувга эришмоқчи.

Шунингдек, битимнинг бир қисми сифатида мадридлик футболчилар ҳам қатнашиши мумкинлиги айтилмоқда. Манба алмашинув варианти сифатида Браим Диас ва Гонсало Гарсия номларини келтирган.

Жорий мавсумда Йилдиз барча мусобақаларда 46 та ўйинда қатнашиб, 11 та гол ва 11 та голли узатма амалга оширди.