"Реал" катта чегирма қилмоқчи

"Реал" янги мавсум бошигача Хамес Родригесни сотиб юборишни режалаштирмоқда.

Мадридликлар билан шартномаси кейинги йил ёзида якунига етадиган футболчи учун "Реал" харидорлар излаш ишларини кучайтирмоқчи.

Олдинроқ, "қаймоқранглилар" колумбиялик футболчини 50 миллион еврога баҳолаётгани хабар қилинган эди, бироқ энди улар ушбу суммани ярмига ҳам рози бўлишмоқчи.

Хамес хизматларига "Эвертон", "Вулверхэмптон" ва "Арсенал" клублари қизиқиш билдирмоқда.

Жорий мавсумда хавбек Ла Лигада саккиз ўйинда майдонга тушиб, битта гол киритган.