“Реал” катта трансферга қўл урмоқчи
“Реал” раҳбарияти бразилиялик легионер Каземирога ўринбосар топиб қўйишга қарор қилди.
“Қироллик клуби” бу ярим ҳимоячи ўрнини “Монако” сафида порлаётган Орельен Тчуамени босишга қодир, деб ҳисобламоқда. Клуб мутасаддилари бўлажак трансфер масаласида футболчининг агентлари билан алоқа ўрнатгани айтилмоқда.
Франциялик ўйинчига ҳозирнинг ўзидан Англиянинг гранд клубларидан етарли таклифлар бўлаётганини айтиш лозим.
Франция терма жамоаси аъзоси бўлган 22 ёшли ярим ҳимоячи жорий мавсумда “Монако” сафида барча турнирларда 31 та учрашувда майдонга тушди. Бу беллашувларда иккита гол ва битта голли пас муаллифи бўлди.
Фикрлар