"Реал" Конатени қачон Мадридга олиб келади?

Мадриднинг "Реал" клуби ёзги трансферлар ойнасининг ўзида "Ливерпуль" ҳимоячиси Ибраима Конатени ўз сафига қўшиб олишни режалаштирмоқда.

Аввалроқ 26 ёшли француз футболчисини эркин агент сифатида қўлга киритиш ҳақида гаплар тарқалган эди. Аммо журналист Себастьен Видальнинг таъкидлашича, "қироллик клуби" трансфер учун 19–25 миллион евро таклиф қилишни режалаштирмоқда.

Бу орқали мадридликлар мерсесайдликларни футболчини эртароқ сотишга кўндиришни истамоқда.

Маълумотларга кўра, "қизиллар" Конатени сотишдан 50 миллион евро ишлаб олишни хоҳламоқда. Аммо "Реал" ўз таклифини ошириш ниятида эмас. Агар "Ливерпуль" бу келишувга рози бўлмаса, келаси ёзда футболчи эркин агент сифатида клубни тарк этиши мумкин, чунки Конате "Реал"да фаолиятини давом эттиришга қарор қилган.

Эслатиб ўтамиз, Француз ҳимоячисининг клуб билан амалдаги шартномаси 2026 йилнинг ёзигача мўлжалланган.