“Реал” кўп гол урадиган ҳужумчини Англия грандларига бериб қўймайди

Нидерландия чемпионатида ПСВ шарафини ҳимоя қилаётган Коди Гакпо жорий мавсумда тўпурарлик қобилиятини намоён этмоқда.

23 ёшли футболчининг харидори ҳозирдан кўпайиб кетди. Англия премьер-лигасидан “Манчестер Юнайтед” ва “Лидс” нидерландиялик тўпурарни ўз сафига чорламоқда.

Бироқ, “Реал” жаҳон футболидаги мавқеидан фойдаланиб, истеъдодли ўйинчини Англияга кетишига йўл қўймоқчи эмас. Мадридликлар Гакпо миллий чемпионат ва Европа лигасида 11 та учрашувда 19 та гол урганидан кейин унга алоҳида эътибор билан қарай бошлади.

Мадридликларнинг курашга қўшилиши Англия клубларига  Гакпони қўлга киритишига тўсқинлик қилиши аниқ.