"Реал" Ла Лигадаги старти учун қайдномасини эълон қилди

"Реал" Мадрид клуби Ла Лига 2-тури доирасида "Реал Сосьедад"га қарши ўйин ўтказади. Зидан бу учрашув учун қайдномани эълон қилди.

Ундан жароҳати сабаб Азар, Иско ҳамда Асенсио ўрин олмади. Мариано Диас эса мураббийнинг қарорига кўра, кенгайтирилган таркибга киритилмаган.

Бироқ Андре Лунин, Мартин Эдегор, Альваро Одриосола каби футболчилар ижарадан қайтиб, "Қироллик клуби" сафини тўлдирди.

Ушбу беллашув Тошкент вақти билан 20 сентябрь куни 00:00 да старт олади. Уни сайтимиз орқали матнли тарзда кузатиб боришингиз мумкин.