"Реал Мадрид" белгиялик футболчига қизиқиш билдирмоқда

Мадриднинг "Реал" клуби "Аякс" ярим ҳимоячиси Райан Бунидани сотиб олмоқчи.

Хабарларга кўра, "қироллик клуби" Буниданинг ўйинларини жиддий кузатиб бормоқда. Футболчи ҳали Амстердам клубининг асосий таркибига мустаҳкам ўрнашиб улгурмаган, аммо аллақачон "қироллик клуби" скаутлари эътиборига тушган. Маълум бўлишича "Реал" ҳужум ортида ва икки қанотни ҳам ёпишга қодир бўлган белгиялик футболчини сотиб олишни истамоқда. Райаннинг трансфер нархи 1,5 миллион еврони ташкил этади.

Маълумот учун, хавбек жорий мавсумда умумий 13та учрашувда майдонга тушиб, 1та гол ва 5та голли узатмани амалга оширган.