"Реал Мадрид" ҳужумчиси яна жароҳат олди

"The Athletic" нашрининг хабарига кўра, "Реал Мадрид" ҳужумчиси Эндрикнинг жароҳати яна қайталаган ва сафдан чиққан. 
 
Хабарингиз бор, бразилиялик ёш футболчи ўтган мавсумнинг май ойида жароҳат олиб, сафдан чиққан эди. Жароҳатдан фориғ бўлиб эса Клублар ўртасидаги жаҳон чемпионатигача тикланиб олишга улгурди. Бироқ, манбанинг таъкидлашича, футболчининг эски жароҳати яна қайталаган. Унинг қачон сафга қайтиши номаълум бўлса-да, бир неча ҳафтани ўтказиб юбориши кутилмоқда. 
 
Эслатиб ўтамиз, Эндрик "қироллик клуби" сафида умумий 37 та учрашувида иштирок этиб, 7 та гол урди ва 1 та голли узатмага муаллифлик қилди. Унинг Тransfermarkt порталидаги нархи 35 миллион еврони ташкил этмоқда.