"Реал Мадрид" икки нафар футболчисидан норози бўлмоқда

Мадриднинг "Реал" клуби Арда Гюлер ҳамда Франко Мастонтуононинг ўйинидан хурсанд бўлмаяпти.

Таъкидланишича, "Реал"дагилар икки ёш футболчининг ўйинини диққат билан кузатиб бормоқда. Булар ярим ҳимоячи Арда Гюлер ва вингер Франко Мастонтуоно. Гюлернинг вазияти "қироллик клуби"ни кўпроқ хавотирга соляпти. Туркиялик хавбекга янги Лука Модрич сифатида ишонч билдиришган эди, бироқ футболчига бу ном анчагина оғирлик қилмоқда. "Альбасете"га қарши кубок ўйинида Гюлер марказий ҳимоячи Раул Асенсиодан ҳам камроқ аниқ пас берган. Франкога келсак, аргентиналик футболчи жамоанинг асосий таркибидан тушиб қолган. Бундан ташқари спорт формасини ҳам йўқотиб бормоқда. Унга бўлган ишонч эса тоборо йўқоляпти.

Маълумот учун, "Реал" Испания кубогининг плей-офф босқичида "Альбасете"га мағлуб бўлиб мусобақа билан хайрлашди.