"Реал Мадрид" Ла Лигада сўнги бор қачон мағлуб бўлган?

"Реал Мадрид" охирги марта Ла Лигада бир йил олдин мағлуб бўлганди.

Мадридликларнинг Испания чемпионатидаги сўнгги мағлубияти 2023 йилнинг 24 сентябрига тўғри келади. Ўшандан бери улар 39 та ўйин ўтказишди ва мағлуб бўлмади.

Фақатгина "Барселона"нинг бу борадаги кўрсаткичи узоқроқ бўлган - 2017 йилдан 2018 йилгача жами 43 та ўйин.

Кейинги турда "Реал Мадрид"ни "Атлетико" билан дерби кутмоқда. Мазкур баҳс 29 сентябрга белгиланган. Кейин эса, чемпионат доирасида "Вильярреал"(уйда), "Сельта"(сафарда), "Барселона"(уйда) ва "Валенсия"(сафарда) клублари билан куч синашади.

Агар мазкур ўйинларнинг барчасида Анчелотти шогирдлари ютуққа эришса, "Барселона"нинг бу борадаги мағлубиятсиз рекорди янгиланади.