"Реал Мадрид" Модричнинг ўрнига қиммат футболчи олиб келади

"Реал Мадрид" ўз таркибини кучайтириш имкониятларини ўрганмоқда.

Мадрид клубининг асосий вазифаларидан бири майдоннинг ўрта чизиғини мустаҳкамлашдир. Сабаби, Лука Модрич фаолиятининг сўнгги йилларини ўтказмоқда.

Сўнгги пайтларда бир нечта нашрлар "Реал"нинг Энцо Фернандесга қизиқиш билдираётгани ҳақида ёзмоқда. Бироқ, аргентиналик футболчининг трансфери "қаймоқранглилар"га жуда қимматга тушиши мумкин.

"TodoFichajes" нашрининг хабар беришича, "Челси" 24 ёшли аргентиналик учун камида 90 миллион евро талаб қилмоқда. Таъкидланишича, "Реал" скаутлари Фернандес ҳақида ижобий ҳисоботлар тайёрлаган, яъни келишув амалга ошиши эҳтимоли юқори.