“Реал Мадрид” президентлигига номзод икки юлдуз билан келишиб олганини айтди

“Реал Мадрид” президентлигига номзод Энрике Рикельме клуб учун икки нафар халқаро даражадаги юлдуз футболчи билан келишувга эришганини маълум қилди.

"Агар мен президент бўлсам, “Реал” сафида икки катта халқаро юлдуз тўп тепади. Улар билан келишувимиз бор. Бу футболчилар қисқа ва узоқ муддатли лойиҳа учун жуда муҳим", — деди Рикельме.

Шунингдек, у яқин икки ҳафта ичида мазкур футболчилар номини эълон қилиши мумкинлигини ҳам таъкидлади.

Маълумот учун, мадридликлар учун якунланган мавсум омадсиз ўтди ва жамоа бирорта соврин қўлга кирита олмади.