"Реал Мадрид"нинг икки муҳим футболчиси финалда иштирок эта оладими?

"Реал Мадрид"нинг икки етакчиси Жуд Беллингем ва Федерико Вальверде финалда иштирок этади. 
 
Испания Суперкубогидан ўрин олган баҳсда "Реал Мадрид" "Мальорка" устидан йирик 3:0 ҳисобида ғалаба қозонди. Учрашув давомида Беллингем ва Вальверде мушакларидан жароҳат олиб, майдонни тарк этишган эди. Тўқнашувдан сўнг икки ярим ҳимоячининг "Барселона"га қарши майдонга тушиши сўроқ остида эканлигини "қайморанглилар" бош мураббийи Карло Анчелотти ҳам расман тасдиқлади. 
 
"Тhe Atletic" нашрининг маълумотига кўра, Жуд ва Федерико бироз дам олгандан сўнг финалда қатнаша олади. Манбанинг маълум қилишича, уларнинг жароҳати кутилганидек жиддий эмас. 
 
Эслатиб ўтамиз, "қироллик клуби" ва "кўк-анорранглилар" клублари ўртасидаги кураш 12 январь куни соат 00:00 да старт олади.