“Реал” “Манчестер Сити” ҳужумчисини оладиган бўлди

“Реал” раҳбарияти ёзги трансферлар вақтида ҳужум чизиғига кучли футболчи олиб келишни мўлжаллаяпти.

Fichajes нашрининг маълум қилишича, мадридликлар “Манчестер Сити”нинг аргентиналик ҳужумчиси Хулиан Альваресни трансфер қилишни режалаштирмоқда.

Истеъдодли футболчи яқин келажакда Карим Бенземанинг ўрнини тўлиқ эгаллаши кутиляпти.

“Манчестер Сити” 23 ёшли футболчини ўтган йилнинг бошида “Ривер Плейт”дан 21,4 миллион еврога харид қилган эди. Альварес Европага кўчиб ўтганидан кейин жами 46 та учрашувда қатнашиб, 16 та тўп киритди.

Марказий ҳужумчи Аргентина терма жамоаси сафида Қатардаги жаҳон чемпионати олтин медалини қўлга киритган.