"Реал" "Манчестер Сити" юлдузини кўзлаб қўйди!

Мадриднинг "Реал" клуби жамоанинг ярим ҳимоясини кучайтиришни режалаштирмоқда. "Қироллик клуби"нинг диққати "Манчестер Сити"да тўп сураётган испаниялик ярим ҳимоячи Родри Эрнандесга қаратилган.

Ўтган йили "Олтин тўп"ни қўлга киритган Родри учун англияликлар 130 миллион евро таклиф қилинса, футболчини сотишга тайёр. Унинг амалдаги шартномаси 2027 йилнинг июнигача мўлжалланган.

Англия Премьер-лигасининг жорий мавсумида 28 ёшли футболчи фақат иккита ўйинда қатнашди — у деярли бутун мавсумни тиззасидаги боғлам жароҳати туфайли ўтказиб юборди.