“Реал” Мбаппе трансферини инкор қилмоқда

Футболни ёритаётган аксарият нашрлар “Реал” раҳбарияти Килиан Мбаппени олишга ҳаракат қилаётгани ҳақида ёзмоқда.

Бироқ, “Қироллик клуби” франциялик футболчи трансфери бўйича ПСЖ ва Мбаппенинг ўзи билан музокара ўтказганини инкор қилмоқда. Бу ҳақда Marca нашри маълумот тарқатди.

Манбанинг таъкидлашича, “Реал” Мбаппе атрофидаги жараённи кузатиш билан чекланмоқда. Футболчи ва клуб ўртасидаги зиддиятнинг кучайиб бораётгани мадридликлар фойдасига ишлайди.

“Кироллик клуби” томонларнинг келишмовчилиги охир-оқибат Мбаппенинг трансфер суммаси пасайишига олиб келишига умид қиляпти. Қолаверса, 24 ёшли ҳужумчининг шу ёз “Реал”га ўтиши жамоанинг иски муҳитини бузиши мумкинлиги айтиляпти.