“Real” Mbappega ishonmayapti. Shu bois, shart qo‘yadi!

“Real” rahbariyati klubning asosiy transfer nishonlaridan hisoblangan Kilian Mbappe atrofidagi vaziyatni xotirjam kuzatmoqda.

Ma’lumki, 24 yoshli forvard PSJ bilan shartnomani 2025 yilning yoziga uzaytirmasligini e’lon qilganidan keyin parijliklar Mbappeni shu yoz ichi sotib yubormoqchi.

Xabarlarga qaraganda, madridliklar Mbappega taklif yuborish uchun qulay vaziyatni kutmoqda. Unga ko‘ra, “Real” qishki transferlar vaqtida – Kilian Mbappening shartnomani yakunlanishiga yarim yil qolgan paytda taklif yubormoqchi.

Shu bilan birga, o‘tgan yilgi xatoni takrorlamaslik uchun “Qirollik klubi” Mbappedan yanvar oyining o‘zida dastlabki bitimni imzolashni talab qiladi. Aks holda klub bu transferdan voz kechishi aytilmoqda.