“Реал” Мбаппени олишдан олдин унинг муаммоларини яхши билган экан...

ПСЖдаги фаолиятини якунлаганидан кейин ёзда эркин агент сифатида “Реал”га кўчиб ўтган Килиан Мбаппе Мадрид суперклубидаги ўйини сифати борасида танқид ва босимларга дуч келмоқда. 

Relevo нашрининг маълум қилишича, “Қироллик клуби”даги 25 ёшли футболчи ўйинида доимий пасайиш кетаётганини олдиндан билган. Шунга қарамай, мадридликлар Мбаппени жамоага қўшиб олган. 

Экспертлар томонидан тайёрланган ҳисоботларда Килиан Мбаппе 2018 йилги жаҳон чемпионатининг энг яхши ўйинчиларидан бири сифатида эътироф этилганидан кейин унинг барча кўрсаткичларида пасайиш кузатилган. Бу ҳолат ҳамон давом этмоқда. 

Манбага кўра, тадқиқотлар Мбаппеда ўйин давомида босиб ўтиладиган масофа миқдори, интенсив ҳаракатлар ва тезлик доимий тарзда пасайиб келмоқда. 

“Реал” раҳбарияти Килиан Мбаппе бу ҳолатдан чиқиб кетишига ва яна аввалгидек юқори спорт формасига қайта олишига ишонган ҳолда, франциялик тўпурарни олиш имкониятидан фойдаланиб қолгани айтиляпти.