"Реал" Мбаппенинг трансферини қачон оммага эълон қилади?

Франциялик ҳужумчи Килиан Мбаппенинг «Реал»га ўтгани ҳақида қачон оммага эълон қилиниши маълум бўлди.

AS хабарига кўра, ҳужумчининг ўзи 28 май куни бўлиб ўтадиган Чемпионлар лигаси финали олдидан ПСЖни тарк этиши ҳақида оммага маълум қилишни режалаштирган.

Эслатиб ўтамиз, аввалроқ Мбаппенинг ўзи ҳам шу санадан олдин қарорини эълон қилишини айтганди.

Манбага кўра, "Реал"нинг расмий эълонини бир ойдан кўпроқ кутишга тўғри келади, чунки бу июль ойи бошида, франциялик футболчи эркин агентга айланганидан кейин содир бўлиши мумкин.

Мадридликлар Парижда Чемпионлар лигаси финалида “Ливерпуль” билан куч синашади. Ушбу баҳс 28 май куни Тошкент вақти билан соат 00:00 да бошланади.