“Реал” Мессини қўлга киритишга урингани фош бўлди

“Реал” ўз вақтида ашаддий рақиб – “Барселона” тарихидаги энг ёрқин юлдуз Лионель Мессини ўз сафига оғдириб олишга урингани маълум бўлди.

Бу ҳақда аргентиналик футболчининг биринчи мураббийи Орасио Гаджоли айтиб берди.

- “Реал” Мессининг ёшлигидан унга жиддий қизиқиш билдирган. Ўшанда Лео 16-17 ёш эди. Шунга қарамай, Месси “Барселона”дан кетишдан бош тортган, - деди Орасио Гаджоли.

Лионель Месси профессионал фаолиятининг катта қисмини Каталонияда ўтказди.  Лео 2005-2021 йиллар давомида “Барселона”да ўйнаб, ўн карра Испания чемпиони бўлди. Шунингдек, тўрт маротаба Европа Чемпионлар лигаси ғолиб чиқди.