“Реал” Мессининг ПСЖга ўтганидан фойдаланиб қолади

Лионель Мессининг ПСЖга ўтиши Килиан Мбаппе келажаги таъсир қиладиган бўлди. Аргентиналик юлдузнинг Парижга келиши билан ёш ҳужумчи янги шартнома имзолаш фикридан яна қайтди.

Бу вазиятдан “Реал” фойдаланиб қолишга интиляпти. Мадридликлар Мбаппе трансфери учун 120 миллион евро бермоқчи. Агар парижликлар буни қабул қилмаса, ҳужумчи келаси ёзда текинга кетиб қолади. Чунки, Мбаппе ҳар қандай шароитда ҳам ПСЖнинг янги битим бўйича келишувини рад этмоқда.

Мессининг келганидан кейин Мбаппе ўз ўзидан жамоада асосий юлдуз мақомидан айрилади. Бундан ташқари, ПСЖ узоғи билан келаси йили Криштиану Роналду трансферини амалга ошириши ҳақида ҳам хабарлар тарқала бошлади.