"Реал" мухлислари учун ажойиб хушхабар!

Мадриднинг "Реал" клуби ва Бельгия терма жамоаси ҳужумчиси Эден Азар “Евро -2020”да олган жароҳатидан тўлиқ тузалди, деб хабар бермоқда журналист Марио Кортехана.

Юқоридаги манбага кўра, айни дамда Азар ортиқча вазндан ҳам ҳалос бўлган ва у ҳозирда “Реал”га келганидан буён энг яхши формада деб айтилмоқда.

Эслатиб ўтамиз, "Реал" Азарни 2019 йилнинг ёзида "Челси"дан 115 миллион еврога сотиб олган эди. У ўтган мавсум Ла Лигада 14 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйди.

30 ёшли Азарнинг “Реал” билан амалдаги шартномаси 2024 йилга қадар имзоланган.