"Реал" мухлислари учун бундан ёмон хабар бўлмайди

"Реал" ҳужумчиси Карим Бензема "Барселона"га қарши учрашувни ўтказиб юборади. У жароҳатдан тикланишга улгурмагани сабаб шундай қарорга келинган. 

"Goal.com" нашрига кўра, футболчи болдир мушакларидан олган жароҳати унинг майдонга тушиши учун тўсқинлик қиляпти. Мураббийлар ҳам бу борада Каримнинг соғлиги билан таваккал қилмасликни истамоқда.

Эл-класикодан ташқари 34 ёшли форвард Франция терма жамоасининг Кот-д'Ивуар ҳамда ЖАР терма жамоаларига қарши баҳсни ҳам ўтказиб юборади. Манбага кўра, у 6 апрель куни бўлиб ўтадиган "Челси"га қарши ўйинга тўлиқ тайёр бўлмоқчи. 

Эслатиб ўтамиз, "Реал" ҳамда "Барселона" жамоалари ўртасидаги тўқнашув 20-дан 21 мартга ўтар кечаси 01:00да старт олади.