"Реал" мухлислари учун хушхабар

"Реал" футболчиси Марко Асенсио Испания терма жамоаси машғулотларида жароҳат олган эди. Шу сабабли, бош мураббий Луис Энрике уни терма жамоа йиғинидан озод қилди.

Бугун тиббий текширувдан ўтган 24 ёшли вингернинг аҳволи яхши эканлиги ойдинлашди. Марконинг чап тиззасида пайдо бўлган шиш йўқолган ва бу унинг келаси фаолиятига таъсир ўтказмаслиги айтилмоқда. У ўтган мавсумнинг катта қисмини айнан чап тиззасидан олган жароҳати туфайли ўтказиб юборганди.

Тез кунларда Асенсио "Реал" қароргоҳига қайтади ва янги мавсум учун тайёргарликни давом эттиради.