"Реал" мухлислари учун зўр янгилик!

"Реал" ҳужумчиси Карим Бензема бўлажак ўйинларда жамоасига ёрдам бера олади, деб хабар бермоқда Marca.

Юқоридаги манбага кўра, “қироллик клуби” вице-сардори бугунги машғулотни қисман умумий гуруҳда, қисман эса якка тартибда ўтказган. Қайд этилишича, у 6 февраль куни Ла Лига доирасида «Гранада» билан ва 15 февраль куни Чемпионлар лигаси доирасида ПСЖ билан ўйинда асосий таркибда майдонга тушиши мумкин.

Бироқ, у ПСЖга қарши учрашувга яхши тайёргарлик кўриши учун 12 февралда "Вильярреал"га қарши бўладиган баҳсда ўйнамаслиги мумкин.

Бензема жорий мавсум Ла Лиганинг 21 та учрашувида майдонга тушиб, 17 та гол урди ва 7 та голли узатмани амалга оширди.