"Реал" Неймар учун ПСЖга 350 млн евро ва Хамес Родригесни бермоқчи

ПСЖ клуби форварди Неймар барибир "Реал"га ўтиши мумкин. Бу ҳақда AS нашри хабар тарқатмоқда.

Унга кўра “қироллик клуби” 27 ёшли бразилиялик футболчининг трансфери масаласида парижликларга рекорд даражадаги таклифни тайёрлашмоқда. Гап 350 млн евро ва колумбиялик ярим ҳимоячи Хамес Родригес ҳақида кетмоқда.

Эслатиб ўтамиз, бундан аввалроқ “Реал” бош мураббийи Зинедин Зидан Неймарни жамосида кўришни хоҳламаётгани ҳақида хабарлар тарқалган эди.

Маълумот учун, ПСЖ Неймарни 2017 йил ёзда “Барселона”дан 222 млн евро эвазига сотиб олган эди.