"Реал" нишонидаги юлдузни "Барса" илиб кетиши мумкин

Сўнгги пайтлар "Манчестер Сити"да кам ўйин амалиётига эга бўлаётган Раҳим Стерлинг фаолиятини бошқа жамоа сафида давом эттириши мумкин.

"Mundo Deportivo" нашрининг хабарига кўра, англиялик футболчига "Барселона"дан қизиқиш бор. Каталонияликлар ўз вингери Усмон Дембеле билан шартнома борасида бир тўхтамга кела олмаяпти. Агар франциялик жамоа таклифига рози бўлмаса, Стерлинг варианти биринчи планга чиқади.

Агар Дембеле "кўк-анорранглилар" билан қишгача янги битим имзоламаса, Рахим январь ойидаёқ Испанияга кўчиб ўтиши мумкин. Барчаси "Барселона" ҳамда Дембеле ўртасидаги музокараларга боғлиқ. Усмоннинг амалдаги шартномаси 2022 йилнинг 30 июнида якунланади.

24 ёшли францияликка МЮ, "Ливерпуль", "Челси" каби клублардан қизиқиш борлиги айтилмоқда. Трансфер нархи 90 миллион еврога тенг бўлган Стерлингга эса, "Реал" харидор.