"Реал" Осиёнинг энг яхши футболчисини ўз сафига қўшиб олмоқчи

"Тоттенхэм" ҳужумчиси Сон Хён Мин "Реал" Мадрид клуби нишонида бўлиб турибди. 

Маълум бўлишича, "Реал" ҳужум чизиғини кучайтириш мақсадида бир қатор вариантларни кўриб чиқмоқда. Улардан бири - Сон. 

Ўтган мавсум кореялик футболчи барча мусобақалар доирасида 45 та ўйин ўтказиб, 24 та гол ҳамда 10 та голли узатма муаллифига айланган. 

Ўтган мавсум у АПЛда 22 та гол урди ва Муҳаммад Салоҳ билан биргаликда Премьер-лига "Олтин бутса"сини қўлга киритди. Сон мазкур натижага эришган илк осиёлик ўйинчига айланди.