“Реал”, овора бўлма, юлдузларимизни ололмайсан!

Франция чемпионати ва Европа Чемпионлар лигасининг амалдаги ғолиби “Пари Сен-Жермен” раҳбарияти ёзги трансферлар ойнаси даврида гранд клублар нишонида турган  Витинья ёки Жоау Невешни сотиш ниятида эмас.

Mundo Deportivo нашри маълумотига кўра, ушбу футболчилар “Реал Мадрид”га ўтмайди, ҳатто мадридликлар клуб хўжайини Флорентино Перес айтганидек, улардан бири учун 150 миллион евро таклиф қилган тақдирда ҳам парижликлар бу ўйинчиларни қўйиб юбормайди.

Манбага кўра, ПСЖ раҳбарияти “Реал”нинг мазкур қизиқиши клуб президенти Флорентино Перес иштирок этаётган президентлик сайловлари билан боғлиқ эканини тушунади ва бу вазиятга аралашишни истамайди.

Шунингдек, Париж клубида Витинья ёки Жоау Невешнинг жамоани тарк этиш истаги борлиги ҳақида ҳеч қандай маълумот йўқ. Шу боис улар “Реал” томонидан бўлиши мумкин бўлган 150 миллион евролик таклифдан хавотир олмаяпти.