"Реал" посбони АПЛга йўл олиши мумкин

Андрей Лунин фаолиятини АПЛда давом эттириши мумкин. Бу ҳақда "Transfer News Live" маълум қилди.

Украиналик посбон "Реал"да ўйин амалиётини кам олмоқда, сабаби Мадрид жамоасининг асосий дарвозабони Тибо Куртуа ҳисобланади. Лунинни "Астон Вилла" кузатиб бормоқда. Эмилиано Мартинес жамоадан кетиши мумкинлиги сабабли, Англия клуби ёзда янги дарвозабон билан шартнома имзолаши мумкин.

"Transfermarkt" портали Андрей Лунинни 20 миллион еврога баҳоламоқда. Украиналик футболчи "Реал" сафида 60 та ўйин ўтказиб, 70 та гол ўтказиб юборган. Луниннинг амалдаги шартномаси 2030 йилнинг ярмигача мўлжалланган.