“Реал” президенти бир евро ундирди!

“Реал” президенти Флорентино Перес Испаниядаги  El Confidencial  газетасини судга бериб, суд жараёнини ўз фойдасига ҳал қилди ва бир евро ундирди.

Клуб раҳбари мазкур нашр унинг суҳбатлари туширилган аудиофайлларни сиздирганликда айблади ва бир евро тўланишини талаб қилди.

Флорентино Перес бу ишни пул учун эмас, балки принцип нуқтаи назаридан қилаётганини кўрсатиш учун газета таҳририятидан катта сумма талаб қилиш имкониятидан фойдаланмади.

“Реал” ўтган мавсумда Испания чемпионати ва Чемпионлар лигасида бош соврин соҳиби бўлди. Шунингдек, жорий мавсумни УЕФА Суперкубогидаги ғалаба билан бошлади.