“Реал” қимматбаҳо юлдузини сотадиган бўлди

“Реал”нинг франциялик легионери Орельен Тчуамени фаолиятини ўз юртида давом эттириш имкониятига эга бўлди.

Defensa Central нашрининг маълум қилишича, ПСЖ 24 ёшли таянч ярим ҳимоячисини ўз сафига қўшиб олишни режалаштирмоқда.

Манбага кўра, Тчуаменига Париж клуби президенти Нассер Ал-Хелаифий шахсан қизиқиш билдираётган экан. Шунга қарамай, ПСЖ бош мураббийи Луис Энрике бу трансферни қўллаб-қувватлаётгани йўқ.

“Реал” президенти Флорентино Перес эса, кейинги пайтда матбуот томонидан кўп танқид қилаётган Тчуамени бўйича таклифларни кўриб чиқишга тайёрлигини билдирди.

Мадридликлар ўз ўйинчисини 80 миллион евродан кам бўлмаган маблағ эвазига қўйиб юбориши мумкин. Тчуаменининг амалдаги битими 2028 йилнинг ярмигача тузилган.