"Реал" раҳбарияти айрим футболчиларнинг ўз позицияларида ўйнамаётганидан норози

"Реал" раҳбарияти айрим футболчиларни ўзларига хос бўлмаган позицияларда майдонга тушириш амалиётини маъқулламаётгани хабар қилинди. Бу ҳақда "COPE" нашри маълумот тарқатди.

Манбага кўра, клуб раҳбарияти сўнгги вақтларда кузатилаётган бундай тенденцияни салбий ҳолат сифатида баҳоламоқда. Яқинда "Райо Вальекано"га қарши учрашувда Эдуардо Камавинга чап қанот ҳимоясида ўйнатилгани бунга яққол мисол бўлди. Ҳолбуки, захира ўриндиғида Фран Гарсия ва Альваро Каррерас каби шу позицияда ҳаракат қила оладиган футболчилар бор эди.

Қайд этилишича, Карло Анчелотти даврида ҳам кузатилган бундай тактик ёндашув жамоа таркибидаги айрим ўйинчилар ўртасида норозилик келтириб чиқармоқда.