"Реал" раҳбарияти Ла Лига ҳакамларидан қаттиқ норози

 Жума куни Ла Лига 12-туридан қолдирилган ўйинда "қироллик клуби" вингери Винисиус Жуниор дарвозабон Столе Димитриевскийни орқадан бошига итаргани учун майдондан четлатилди. Ўйинда бош ҳакам Сезар Сото Градо бошчилигидаги ҳакамлар бригадаси ишлади.  

Marca нашрининг ёзишича, "Месталья"да содир бўлган бу воқеа ва Винисиуснинг четлатилиши "Реал" раҳбариятининг ҳакамлар таркиби тўлиқ ўзгартирилиши кераклиги ҳақидаги фикрини кучайтирди. "Реал" ВАР томонидан холис бўлмаган қарорнинг атайлаб қабул қилингани ва Винисиуснинг ҳаракатларигача содир бўлган ҳолатлар эътибордан четда қолгани ҳақида гапирмоқда.  

Мадрид клуби раҳбарияти Доҳадаги бўлиб ўтган учрашувда Жанни Инфантино билан ҳакамликка ўзгартириш киритишни муҳокама қилган. ФИФА ҳам ВАРдан фойдаланишни қайта кўриб чиқиш зарурлигини таъкидлаган. ВАРнинг аралашуви камайиши ва барчага янада тушунарли бўлиши керак.  

"Реал" ВАР Винисиус иштирокидаги эпизодда нотўғри ишлатилганини ва қарор кўп жиҳатдан вингернинг ўйин давомида доимий ҳақоратларга дуч келгани асосида қабул қилинганини исботлай олишини ишонмоқда.  

Клуб яна Испания федерациясини барча ҳакамлар раҳбариятини ўзгартиришга чақирмоқчи. Бу жараён келаси ҳафтада Саудия Арабистонида бўлиб ўтадиган Суперкубок пайтида амалга ошиши мумкин.