“Қироллик клуби” раҳбарияти жамоа сардори Серхио Рамос билан хайрлашув маросимига тайёргарликни бошлаб юборилди. Футболчи ва клуб ўртасидаги музокаралардан ҳамкорлик бўйича бир тўхтамга келиб бўлмади.

Бунга кўп жиҳатдан Рамоснинг жамоадошларини клуб раҳбарлари томонидан илгари сурилган маошларни қисқартириш таклифини қўллаб-қувватламаслика чақиргани сабаб бўлди.

Шунга қарамай, “Реал” президенти шу ой давомида Рамоснинг хайрлашув маросимини ўтказиб бормоқчи. Тадбирда испаниялик футболчи ўз жамоадошлари ва “Реал”да қўлга киритган 22 соврини билан суратга олинади.

Ҳали Рамос клубнинг бу таклифига муносабат билдиргани йўқ. У 2005 йилдан бери мадридликлар шарафини ҳимоя қилиб келаётган эди.